گاڤ

شیرەتکارێ ئاسایشا نشتیمانییا ئیراقێ راگەهاند؛ بۆ دوپاتکرنا گرنگییا پاراستنا سنۆران و هەلویستێ نە گهۆرێ بەغدا لدۆر وی بابەتی مە سەرەدانا ئیرانێ کریە دەربارەی رێگریکرنێ ژ ب قاچاخبرنا مادەیێن هشبەر.

قاسم ئەعرەجی، شیرەتکارێ ئاسایشا نشتیمانییا ئیراقێ دەربارەی سەرەدانا شاندا بلند یا ئەمنی یا ئیراقێ بۆ ئیرانێ د تورا جڤاکییا ئێکس دا راگەهاند؛ سەرەدانا وان لسەر فەرمانا محەمەد شیاع سودانی، سەرۆکوەزیران  بوو و نڤێسییە؛ دێ دانوستاندنێ لسەر پرسێن هەڤپشکێن دناڤبەرا هەردو وەلاتان دا کەن و ئەو لدۆر وی بابەتی لگەل وەزیڕێ دەرڤە یێ ئیرانێ ژی کۆمبوون.

ژ ئالییێ خۆ ڤە مەدیایێن ئیرانێ بەلاڤکریە: د ئەوێ کۆمبوونێ دا دێ دانوستاندنێ لسەر رێککەفتن و لێکتێگەهشتنا ئەمنی د ناڤبەرا بەغدا و تەهرانێ دا هێتە کرن.