گاڤ

ب بریارا سەرۆکوەزیرێن ئسرائیلێ ئامیرێن پەیوەندیێ (پەیجەر) ددەست چەکدارین حزب*و*للا دا هاتبوونە پەقاندن، کو ببوو ئەگەرێ کوشتنا 39 چەکداران.

بنیامێن نەتەنیاهۆ، سەرۆکوەزیرێن ئسرائیلێ ئەڤرۆ د کۆمبوونا جڤاتا وەزیران دا، بۆ جارا ئێکێ نهێنییەک ئاشکرا کر و راگەهاند؛ ب بریارا وی ئامیرێن پەیوەندیێ یێن ب ناڤێ (پەیجەر) ددەست چەکدارین حزب*و*للا دا ل ئیلۆنا ئەڤ سالە هاتبوونە پەقاندن.

نەتەنیاهۆی دا زانین: ل دەما ئەوی ڤیای نەسر*و*للای ژناڤببەت و پچیتە ناڤا پێگەهێن حەماسێ ل غەززە و چەندین تشتێن دی، ژمارەکا بەرپرسێن سیاسی و بەرگریی دناڤا کابینەیا حکومەتێ ل دژی وێ ئوپارسیۆنێ  راوەستییان.

ل 17ی ئیلۆنا ئەڤ سالە، ب هزارانا ئامیرێن پەیوەندیکرنێ کو د بێژنێ پەیجەر ل لوبنانێ پەقین، 39 کەس هاتبوونە کوشتن و نێزیکی 3 هزار کەسێن دی ژی بریندارببوون.