گاڤ

پشتی سەرکەفتنا ترەمپی د هەلبژارتناندا، بهایێ بتکوینی بەردەوام بلند دبیت و چەند جاران ل سەر ئێک ژمارا خۆ یا پیڤایی شکاند و نوکە بهایێ ئێک بتکوینی گەهشتیە 91,500 هزار دۆلاران.

بەری سەرکەفتنا ترەمپی بهایێ بتکوینی69,153  دۆلاربوو، لێ پشتی سەرکەفتنا وی، ئێکسەر دەست ب بلندبوونێ کر، و نوکە بهایێ وی 32.3% بلندبوویە و گەهشتیە 91,500  دۆلاران.

شیڤام تاکرال، رێڤەبەرێ جێبەجێکار یێ کۆمپانیا BuyUcoin، بۆ msn یا ئەمریکی گۆتیە؛ "بلندبوونا بهایێ بتکوینی ب ڤی رەنگێ بلەز، ئێکەم کارڤەدانا ئابووری یا سەرکەفتنا ترەمپی بوو. ئەگەرێن ڤێ ژی ڤەدگەرن بۆ قازانجکرنا وەبەرهێنەران، گهۆرینا بلەز یا بازاری و نەپشتراستییا ئابووری".

هەروەسا ئالانکار ساکسێنا، هەڤپشکێ دامەزرێنەرێ کۆمپانیا مۆدرێکس راگەهاند، ئەڤ گەشەکرنا بەردەوام یا بتکوینی وەسا نیشانددەت کو بەری دویماهیا ئەڤ سالە، دشێت بەربەستا 100 هزار دۆلاریێ بشکێنیت.

ب ڤی رەنگی ئەگەر بەری حەفتیەکێ ئانکو بەری سەرکەفتنا ترەمپی، تە ئێک بتکوین هەبا، دا نوکە 2 دەفتەر و 20 وەرەقەیان قازانجکەی.