گاڤ - تایبەت
سێ حه‌فتیه‌ ل سه‌ر ئێك رۆژانه‌ و ژبه‌ر نه‌بوونا نوشدارێن به‌نجێ ل سەنتەرێ نازۆرێ ل نەخۆشخانەیا ئازادی، نه‌خۆش قه‌ستا نه‌خۆشخانه‌یێن تایبەت دكه‌ن و دبیت ئه‌و سه‌نته‌ر ب ئێكجارى بهێته‌ داخستن.
ل سه‌نته‌رێ نازۆرێ یێ نه‌خۆشخانه‌یا ئازادى ژبه‌ر نه‌بوونا نوشدارێ به‌نجێ رۆژانه ب نه‌چارى‌ زێده‌تر ژ 70 نه‌خۆشان قه‌ستا نه‌خۆشخانه‌یێن تایبەت دکەن و هەر نەخۆشەک بۆ دانانا تۆرا بۆڕیا زراڤى کۆژمێ 700 هزار دیناران ددەن و پاشى پشتى سێ هه‌یڤان ئەو بۆڕی ب کۆژمێ 350 هزار دیناران هەر ل نەخۆشخانەیێن تایبەت دهێتە راکرن، پێشتر ئه‌ڤ یه‌كه‌ ل سەنتەرێ نازۆرێ ب 20 خۆله‌كان و پارەیەکێ ئێکجار کێم دهاته‌ كرن.
زانیاریێن گاڤ پشتراست دكه‌ن كو ژبه‌ر نه‌بوونا نوشدارێ به‌نجێ ئه‌و سه‌نته‌ر کار ناکەت و دبیت ب ئێکجاری بهێتە داخستن.