نەتەنیاهۆ: ئەگەر پێدڤی بکەت دێ ب نوینیکان شەڕی کەین
گاڤ
سەرۆکوەزیرێ ئسرائیلێ راگەهاند؛ گەف ل مە هاتینەکرن ئەگەر هندەک هێرشان بکەین دێ هنارتنا چەکی بۆ ئسرائیلێ راگرن، مە گۆتە وان ئەگەر پێدڤی بکەت دێ ب نوینیکان ژی شەڕی کەین.
بنیامێن نەتەنیاهۆ، سەرۆکوەزیرێ ئسرائیلێ، پشتی کۆمبوونا خۆ یا ل گەل وەزارەتا دەرڤە و بەرگریێ راگەهاند؛ جۆ بایدنی گەف ل مە کر ئەگەر هێرشا پیادە بکەینە سەر رەفەحێ، دێ هنارتنا چەکی بۆ ئسرائیلێ راگرن، من گۆتە ئەمریکیان، ئەگەر پێدڤی بکەت دێ ب نوینیکان ژی شەڕی کەین.
هەروەسا ئەو ژی دیارکر، شەرێ مە ل گەل یەک بەرەیە کو ئەو ژی ئیرانە، پێدڤییە بەرنامەیا وان یێ ئەتۆمی بهێتە ژناڤبرن.
ئاماژە ب وێ چەندێ ژی دا کو، یا کو حەماسێ دڤێت ئەوە، ئاگربەستەکا وەسا بهێتەکرن شەڕ بڕاوەستیت و ئەم ژ کەرتێ غەززە ڤەکێشین، دا کو دیسان هێزا خۆ خرڤە بکەن و هێرشی مە بکەن، ئەز قەت رێکێ ب ڤێ چەندێ نادەم.
نەتەنیاهۆی ئەو ژی ئاشکراکر، شەڕێ مە ل گەل ئێک بنگەهێ سەرەکیە کو ئەو ژی ئیرانە، ئەو ب سێ شێوەیان جهێ گەفێنە: چەکێن وان ل ناڤچەیێ، مووشەکێن وان و بەرنامەیا وان یێ ئەتۆمی.