دیمێترى پیسكۆف، په‌یڤدارێ سه‌رۆكاتیا رۆسیا(كرێملین)ێ راگه‌هاند، وه‌لاتێ وى ئاماده‌یه‌ په‌یوه‌ندیێن خۆ دگه‌ل رۆسیا ئاسایی بكه‌ت لێ بتنێ (سه‌مایا تانگۆیێ) ناكه‌ت.

ل گۆره‌ى ئاژانسا تاس یا رۆسى، دیمێترى پیسكۆفى راگه‌هاندى یه‌، ده‌رگه‌هێن رۆسیا وه‌كى سه‌ر‌ۆكێ رۆسیا ڤلادیمیر پۆتین دبێژیت، د ڤه‌كرینه‌ بۆ ئاسایكرنا په‌یوه‌ندیان لێ ئه‌و نه‌شێن بتنێ سه‌مایا تانگۆیێ بكه‌ن.

داخۆیانیێن پیسكۆفى رۆژه‌كێ پشتى داخۆیانیا سه‌رۆكێ ئه‌مریكا جۆ بایدنى دهێت كو رێك دایه‌ كیێڤ مۆشه‌كێن دویر هاڤێژ دناڤ ئاخا رۆسیا دا بكار بینیت.

هه‌ر دوهى ل دۆر بڕیارا سه‌رۆكێ ئه‌مریكا كرێملینێ راگه‌هاند، بڕیارا واشنتۆن بۆ رێپێدانا ئۆكراینا بۆ بكارئینانا مۆشه‌كێن ئه‌مریكى دناڤ ئاخا رۆسیا دا دێ بیته ئه‌گه‌رێ پتر ئالۆزبووونێ و ده‌ستوه‌ردانا ئه‌مریكا.