یۆنسێف: 2 هەیڤان پتری 200 زارۆیان ل لوبنانێ هاتینە کوشتن
11/19/2024 - 18:46
بەلاڤ بکە
گاڤ
رێکخراوا یۆنسێف راگەهاند؛ ژ بەر شەری د دو هەیڤان دا پتری 200 زارۆیان ل لوبنانێ هاتینە کوشتن و نێزیکی هزار و 100 زارۆیێن دی ژی برینداربووینە.
جێمس ئێلدەر پەیڤدارێ رێکخراوا یۆنسێف یا سەر ب نەتەوەیێن ئێکگرتی ڤە د کۆنگرەیەکێ رۆژنامەڤانی دا ل جنێف راگەهاند؛ مینا غەززە د نها دا ل لوبنانێ ژی هێدی هێدی رەوشا نە هێتە قەبویلکرن یا د بیتە تشتەکێ ئاسایی و گۆت؛ رێکخراوا وان پشتەڤانییا دەروونی و جڤاکی بۆ زارۆیان پێشکێش دکەت ژ وان ژی پێدڤیاتیێن نوشداری و نڤستنێ بۆ سەدان هزارێن ژ بەر شەری قەستا دەڤەرێن جودا کرین.
پتری سالەکێ یە شەرێ ئسرائیل و حزبوللایێ ل لوبنانێ دەستپێکری، کو ل ئیلونا سالا بۆری سوپایێ ئسرائیلێ هێرش دەستپێکربوو و تا نوکە ب هزران کەس هاتینە کوشتن و دەربەدەربووینە
