ئه‌ردهه‌ژه‌كێ ل قه‌رسا باكۆرێ كوردستانێ دا
بەلاڤ بکە
گاڤ
ئافادێ راگه‌هاند، ئه‌ڤرۆ سپێدێ ئه‌ردهه‌ژه‌كێ ل قه‌رسا باكۆرێ كوردستانێ دایه و كویراتییا وێ 7.71 كیلۆمه‌تر بوون و تا نوكه زیان دیار نینن.
سه‌رۆكایه‌تییا برێڤه‌به‌رنا كاره‌سات و هاوارهاتنێن بله‌ز (ئافاد)ێ راگه‌هاند، ئه‌ڤرۆ سپێدێ ل ده‌مژمێر 4:47 خۆله‌ك ئه‌ردهه‌ژه‌كێ ب هێزا 4.1 پله‌یێن رێكخه‌ر ل پارێزگه‌ها قه‌رسا باكۆرێ كوردستانێ دا و كووراتییا وێ 7.71 كیلۆمه‌تر بوون و تا نوكه زیان نه‌هاتینه زانین.
ده‌مژمێر 4.17 خۆله‌كى سپێده‌هییا رۆژا 6ى شواتا 2023یێ ئه‌ردهه‌ژه‌كێ ب هێزا 7.7 پله‌یێن رێكخته‌ر ل مه‌ڕه‌شا باكۆرێ كوردستانێ دا و 11 پارێزگه‌هێن توركیا و باكۆرێ كوردستانێ هه‌ژاندن.
ل گۆڕه‌یى ئامارێن فه‌رمى 53 هزار و 500 كه‌سان ل باكۆرێ كوردستانێ و توركیا ژ ئه‌گه‌را ئه‌رده‌ژێ ژیانا خۆ ژ ده‌ستدان و 107 هزار و 204 كه‌س ژى بریدار بوون.
هه‌روه‌سا ل رۆژئاڤایێ كوردستانێ و سووریا ژى زیانه‌كا مه‌زن ل پاش خۆ هێلا و 5 هزار كه‌سان ژیانا خۆ ژ ده‌ست دا و هه‌ژماره‌كا بارچاڤا وان ل عه‌فرینا رۆژئاڤایێ كوردستانێ بوون.
