گاڤ

حکومەتا ئیرانێ ب رەنگەکێ فەرمی هنارتنا غازێ ب ئێکجاری ژ ئیراقێ راگرت و ئەڤە دێ بیتە ئەگەر ئیراق 5 هزار و 500 مێگاواتێن کارەبێ ژ دەست بدەت.

وەزارەتا کارەبا ئیراقێ ئەڤرۆ راگەهاند: پێدڤییە رۆژانە وەزارەتا کارەبێ 25 ملیۆن مترێن سێجار یێ غازێ وەربگریت، لێ ژبەر کو ئیرانێ ئەڤرۆ ب ئێکجاری غاز ژ ئیراقێ بڕییە، نوکە رۆژانە بتنێ 7 ملیۆن مترێن سێجار یێن غازێ بۆ وان ژ بەغدایێ دچن.

وەزارەتێ د بەیانا خۆ دا ئاشکرا ژی کرییە: رۆژانە ژبەر نەبوونا غازێ، ئیراقێ د 5 هزار و 500 مێگاواتێن کارەبێ ژدەست دەت، لەورا کارەب دێ ب رەنگەکێ بەرچاڤ کێم بیت و ئەو داخواز ژ وەلاتییان دکەن خۆ ل بەر بێکارەبییێ بگرن تاکو چارەیەک دهێتە دیتن.