گاڤ

سه‌رۆكوه‌زیرێ ئسرائیلێ گه‌فێن دژوار ل خه‌لكێ غه‌زه‌ كرن و راگه‌هاند، یان ئێخسیرێن ئسرائیلێ یێن د ده‌ستێ ته‌ڤگه‌را حه‌ماسێ دا دێ هێنه‌ ئازادكرن، یان خۆ بۆ چاره‌نڤیسه‌كێ تارى ئاماده‌ بكه‌ن.

ئه‌ڤرۆ، سه‌رۆكوه‌زیرێ ئسرائیلێ بنیامێن نه‌ته‌نیاهۆ، د كۆمبوونا كابینه‌یا حكومه‌تا خۆ دا و د په‌یامه‌كا دژوار دا، داخواز ژ خه‌لكێ غه‌زه‌ كر كار بۆ ئازادكرنا ئێخسیرێن ئسرائیلى بكه‌ن، یان خۆ بۆ چاره‌نڤیسه‌كێ تارى ئاماده‌ بكه‌ن و دناڤبه‌را ژیانێ و مرنێ دا ئێك ژ هه‌ردویان هه‌لبژێرن.

نه‌ته‌نیاهۆى گۆت" بانگه‌كێ ئاراسته‌ى ئاكنجیێن غه‌زه‌ دكه‌م، هوین دشێن ژیانێ هه‌لبژێرن و پاشه‌رۆژا خۆ و خێزانێن خۆ مسۆگه‌ر بكه‌ن، یان هوین دشێن خۆ ب كاڤلكارى و مرنێ ڤه‌ گرێده‌ن".