گاڤ

سه‌رۆكێ دادگه‌ها فیدرال یا ئیراقێ ل دۆر گیرۆبوونا مووچه‌یێ فه‌رمانبه‌رێن هه‌رێما كوردستانێ هاته‌ ده‌نگ و راگه‌هاند، دڤێت كۆمبوونه‌كا بله‌ز بۆ چاره‌كرنا كێشه‌یێ بهێته‌ كرن.

ئه‌ڤرۆ هژماره‌كا په‌ڕ‌له‌مانتارێن كورد دگه‌ل سه‌رۆكێ دادگه‌ها فیدرال یا ئیراقێ ل دۆر گیرۆكرنا مووچه‌یێ فه‌رمانبه‌رێن هه‌رێمێ كۆمبوون. د كۆمبوونێ دا حاکم جاسم سه‌رۆكێ دادگه‌ها فیدرال دوپاتكر،چ مووچه‌یێن فه‌رمانبه‌رێن هه‌رێمێ تێناچن، ب بڕیارا دادگه‌هێ مووچه‌یێ خه‌لكێ هه‌رێمێ ژ هه‌ر ناكۆكیه‌كێ هاتیه‌ جودا كرن.

 ل دۆر گیرۆبوونا مووچه‌یێ هه‌یڤا 10 ژى سه‌رۆكێ دادگه‌ها فیدرال گۆت، پێدڤى یه‌ كۆمبوونه‌كا بله‌ز بهێته‌ كرن بۆ چاره‌سه‌كرنا ڤێ پرسێ و هه‌مى ئالییه‌ك پێگیر بن ب بڕیارێن دادگه‌هێ.

حاكم جاسم گۆت ژى، حكومه‌تا ئیراقێ پێگیره‌ ب دانا مووچه‌یێ مووچه‌خۆرێن هه‌رێمێ و ل ڤان نێزیكان بۆ چاره‌سه‌ركرنا كێشه‌یا مووچه‌ى دێ كۆمبن.