گاڤ

رێكخراوا نه‌ته‌وه‌یێن ئێكگرتى راگه‌هاند، ب كێمى 85 هزار ژن ب زانه‌بوون ل ده‌ڤه‌رێن جودا جودا یێن جیهانێ ل سالا 2023ێ هاتینه‌ كوشتن، واته‌ د هه‌ر 10 خوله‌كان دا ژنه‌ك هاتیه‌ كوشتن، پتریا وان لسه‌ر ده‌ستێ ئه‌ندامێن مالباتێن وان بووینه‌ و گه‌هشتن ب ڤى ئاستى جهێ مه‌ترسیێ یه‌.

فه‌رمانگه‌ها ماده‌یێن هشبه‌ر و تاوان و ژنان یا نه‌ته‌وه‌یێن ئێكگرتى د راپۆرته‌كێ دا به‌لاڤكر، مال وه‌كى مه‌ترسیدارترین جهـ بۆ ژنان لێهاتى یه‌، ژبه‌ركو 60% ژ وان 85 هزار ژنێن ل سالا 2023ێ هاتینه‌ كوشتن ل مال بووینه‌، واته‌ ب تێكرا رۆژانه‌ 140 ژن یان د هه‌ر 10 خوله‌كان دا ژنه‌ك ژلایێ هه‌ڤژین یان ئه‌ندامه‌كێ دى یێ خێزانا وێڤه‌ دهێته‌ كوشتن.

د راپۆرتێ دا هاتیه‌، ل  وه‌لاتێن كاریبى و ئه‌مریكا ناڤین و ئه‌فریقیا پترین ژن هاتینه‌ كوشتن، پاشى ئاسیا، ل ویلایه‌تێن ئێكگرتى یێن ئه‌مریكا و ئه‌ورۆپا پترین ژن ژلایێ هه‌ڤپشكێن ژیانا وانڤه‌ هاتینه‌ كوشتن، لێ ل كێشوه‌رێن دى ژ لایێ ئه‌ندامێن دى یێن خێزانێڤه‌.