گاڤ

یانەیا دهۆک ئەڤشەڤە د گەرا سێیی دا ژ یاریێن جاما یانەیێن کەنداڤی دێ مێهڤاندارییا یانەیا نەسر یا ئیماراتی کەت، راهێنەرەک و چەندین چەندین ستێرێن دیار کو پێشتر ل یانەیێن مەزنێن ئەورۆپی یاری کریە دێ ل یاریگەها دهۆکێ بن.

بریارە ئەڤشەڤە ل دەمژمێر 8ێ یانەیا دهۆکێ ل یاریگەها خۆ مێهڤاندارییا یانەیا نەسر یا ئیماراتی بکەت، یاری گەرا سێیێ یە ژ هەڤرکیێن جاما یانەیێن کەنداڤی، دهۆک د کۆما ئێکێ دا ب کۆمکرنا 4 خالان ل رێزا دوێ ل پشت یانەیا نەسر یا ئیماراتی دهێت.

راهێنەرێ یانەیا نەسر ئەلفرێد شرۆدەر، یێ هۆلەندی یە، ل وەرزێ 2021 _2020 هاریکارێ راهێنەرێ بەرشەلونا رۆنالد کۆمان بۆ و کو کار ل گەل ستێرا بەرێ یا یانەیا بەرشەلونا مێسی کریە هەروەسا ل سالا 2022ێ ژی راهێنەراتییا یانەیا ئەیاکس یا هۆلەندی کریە.

عادل تەعرابەت، یاریکەرەکێ بەرێ یێ هەلبژارتیێ مەغرب و یانەیێن ئەیسی میلان، توتنهام، بنفیکا ئەو ژی یاریزانێ یانەیا نەسرە لێ پشکدارییا وی تا نوکە یا پشتراستکری نینە.

مانۆلۆ گابیادینی، یاریکەرێ بەرێ یێ هەلبژارتیێ ئیتالیا و یانەیێن یوڤانتوس، ناپۆلی و ئتالانتا ئەو ژی نوکە یاریزانێ ئەوێ یانەیا ئیماراتی یە و بریارە پشکداری یاریێ ببیت.

یاریزانێ هەلبژارتیێ ئیماراتێ و عەلی مەبخۆت، گۆلکارێ دیرۆکی یێ هەلبژارتییێ ئیماراتێ و خۆلا ئیماراتی ئەو ژی ئەڤ شەڤە ل دهۆکێ مێهڤانە و دێ یاریێ ل بەرانبەر یانەیا دهۆکێ کەت.