گرنگترین خالێن رێككه‌فتنا ئاگربه‌ستا حزبوللا یا لبنانى و ئسرائیلێ چنه؟
11/27/2024 - 09:17
بەلاڤ بکە
گاڤ
پشتى زێده‌تر ژ 13 مه‌هان ژ شه‌ڕێ د ناڤبه‌را حزبوللایا لبنانى و سوپایێ ئسرائیلێ دا كابینه‌یا شه‌ڕى یا ئسرائیلێ رێككه‌فتنا ئاگربه‌ستێ په‌سه‌ند كر.
ل گۆڕه‌یى خالێن ئاگربه‌ستێ پێدڤیه سوپایێ ئسرائیلێ د هیاما 60 رۆژان دا ژ باشۆرێ لبنانێ بهێته ڤه‌كێشان و نابیت چ گرۆپه‌كێ چه‌كدار ل باشۆرێ لبنانێ بمینن.
خالێن گرنگ یێن رێككه‌فتنا ئاگربه‌ستێ
- حزبوللا و هه‌موو گرۆپێن چه‌كدارێن دى د ناڤا ئاخا لبنانێ دا مافێ وێ نینه چ لڤینێن سه‌ربازى هه‌مبه‌رى ئسرائیلێ بكه‌ن.
- سوپایێ لبنانێ تاكه هێزا سه‌ربازى یه كو دشێت ل ناوچه‌یێن باشۆرێ لبنانێ چه‌ك هه‌بیت و لڤینێ بكه‌ت.
- هه‌رمامه‌له‌یه‌كا ب چه‌ك و ته‌قه‌مه‌نییان د ناڤا لبنانێ دا دڤێت ل ژێرچاڤدێرى و كۆنترۆلا حكومه‌تا لبنانێ بیت.
- هه‌ر كارگه‌هه‌ك یان ناڤه‌نده‌كا دروستكرنا چه‌كى و ته‌قه‌مه‌نییان ل لبنانێ هه‌بیت و نه یاسایى یت دێ هێته ژ ناڤبرن.
- هه‌ربنگه‌هه‌ك و كۆگه‌هه‌كا سه‌ربازى یا مۆله‌ت نه‌یى، دێ هێته ژناڤبرن و هه‌موو چه‌كه‌كێ بێ مۆلت دێ ده‌ست بسه‌ر دا هێته گرتن.
- لژنه‌یه‌كا تایبه‌ت ژ ئالیێ لبنان و ئسرائیلی ڤه په‌سه‌ندكری بیت دێ هێته پێكئینان و د بجهئینانا خالێن رێككه‌فتنا ئاگربه‌ستێ دا هاریكار بیت.
- لبنان هێزێن خۆ یێن فه‌رمى و سوپایى ل ناوچه‌ێن سنۆرى و خالێن پشكنینان جێگیر بكه‌ت.
- ئسرائیل ب شێوه‌یێ قووناغ ب قووناغ د هه‌یاما 60 رۆژان دا هێزێن خۆ ژ باشۆرێ هێلا شین یا ناوچه‌یێن سنۆرى ڤه‌كێشیت.
- ئه‌مریكا كار بۆ ده‌سپێكرن دانوستاندنێن نه‌راسه‌وخۆ یێن ناڤبه‌را ئسرائیل و لبانێ بۆگه‌هشتن ب رێككه‌فتنێ ل سه‌ر خالێن سنۆرى دكه‌ت.
