گاڤ

رۆژنامه‌یا مه‌دا به‌لاڤكریه‌، پشتى ئاگربه‌ستا لبنان و ئسرائیلێ میلیشیایێن ئیراقى دێ هێرشان راگرن؟ ژ هنده‌ك شرۆڤه‌كاران ژى هه‌ر بۆ رۆژنامێ هۆشدارى داینه‌.

دوهى ئسرائیل و لبنانێ ئاگربه‌ست راگه‌هاند و ئه‌و ئاگربه‌ست ب پشته‌ڤانی و ناڤبه‌ینكارییا ئه‌مریكا هاتییه‌ كرن، پترییا مه‌رجان د به‌رژه‌وه‌ندا ئسرائیلێ دانه‌.

ئه‌ڤرۆ چارشه‌مبێ27-11-2024ێ رۆژنامه‌یا مه‌دا به‌لاڤكریه‌ن پشتى ئاگربه‌ستا لبنان و ئسرائیلێ دێ ملیشیایێن ئیراقى هێرشان راوه‌ستینن؟ هنده‌ك شرۆڤه‌كاران ژى هۆشدارى داینه‌ و دیاركریه‌، دڤێت ئیراق خۆ دوور كه‌ت ژ وى شه‌ڕى كو ره‌نگه‌ ئسرائیل وان گرۆپان بكه‌ته‌ ئارمانج.

هه‌روه‌سا دیاركریه‌، دبیت هه‌موو رێكارێن دبلۆماسى بۆ هێرشا چاڤه‌ڕێكرى یا ئسرائیلێ ب دوماهى هاتبن، لێ هێشتا حكومه‌تا ئیراقێ بزاڤان دكه‌ت شه‌ڕ دوورى وێ بیت.

ئیلینا رۆمانۆسكى، بالیۆزا ئه‌مریكا ل ئیراقێ دبێژیت: ئسرائیلێ هۆشدارى داین ئیراقێ ژ وان گرۆپێن چه‌كدار یێن هێرشان ل سه‌ر ئسرائیلی دكه‌ن و پێشتر ژى حكومه‌تا ئیراقێ هاتییه‌ راسپاردن وان گرۆپان راگریت.

رۆمانۆسكیێ ئاشكراكریه‌، ئسرائیل نه‌ته‌وه‌یه‌كه‌ و خودان سه‌روه‌رى یه‌ و ل هه‌ر جهه‌كى ده‌ستدرێژى ل سه‌ر بهێنه‌ كرن دێ به‌رسڤا خۆ هه‌بیت.