بهایێ زێڕى و په‌ترۆلێ داكه‌فتن
بەلاڤ بکە
گاڤ
ئه‌ڤرۆ ل گه‌ل ڤه‌كرنا ده‌رگه‌هێن بازاران بهیێ په‌ترۆلێ و زێڕى بلند بوو، ئونسه‌یا زێڕى ب 2 هزار و 627 دۆلاران و ئێك به‌ڕمیلا په‌ترۆلێ ب 72 دۆلار و 29 سه‌نتان كڕین و فرۆشتن پێ هاتییه‌كرن.
ل گه‌ل ڤه‌بوونا ده‌رگه‌هێن بازاران بهایێ زێڕى و په‌ترۆلێ داكه‌فتن، هه‌ر ئونسه‌یه‌كا زێڕى 10 دۆلار ژ بهایێ خۆ ژ ده‌ستداینه و ب 2 هزار و 627 دۆلاران بازار ل سه‌ر هه‌یه و هه‌ر به‌ڕمیله‌كا گازا برێنت ژى 14 سه‌نتان داكه‌فتییه و ب 72 دۆلار و 29 سه‌نتان كڕین و فرۆشتن پێ هاتییه كرن.
چه‌ندین ئامارێن ئابۆرى ل ئه‌مریكا به‌لاڤبووینه كو هێمایێ وێ یه‌كێ نه پرۆسێسا داكه‌فتنا هه‌لاوسانێ ل وى وه‌لاتى خاڤ بوویه، ئه‌ڤێ یه‌كێ ژى كارتێكرن ل سه‌ر هه‌لوه‌ستێ بانكا ناڤه‌ندى یا ئه‌مریكا كریه ب تایبه‌ت پشتى كۆمبوونا مه‌ها بۆرى یا بانكێ.
هه‌ر ل گۆڕه‌یى كارگێڕییا زانیاریێن تێهنا ئه‌مریكا قه‌بارێ كۆمكرى ل وى وه‌لاتى حه‌فتییا بۆرى 3.3 ملیۆن به‌ڕمیلان زێده‌كریه، ل ده‌مه‌كى پێشبینى دهاته‌كرن قه‌باره بهێته خوار، ئه‌ڤێ یه‌كێ ژى كارتێكرن ل سه‌ر بهایى كریه.
شرۆڤه‌كار دبێژن، كۆمبوونا خواست ل سه‌ر په‌ترۆلێ ژ ئالیێ چین و ئه‌مریكا ڤه فشار ل سه‌ر بهایێ په‌ترۆلێ ژى دروستكرینه.
