گاڤ

وەلید ئیبراهیم، دادوەرێ دادگەها ڤەکۆلینان یا بەغدا راگەهاند؛ کارگەها چێکرنا حەبێن کاپتاگۆن و ماددەیێ کریستال ل باشۆرێ دەریاچەیا دەربەندیخان هاتبوو دانان، ب سەرڤە وێ کارگەهێ کارێ چێکرنا تایرێن ترومبێلان دکر، لێ د راستی دا حەبێن کاپتاگۆن و ماددەیێ کریستال تێڤە دهاتنە چێکرن و تانکەرەکێ 4 هزار لترێن ماددەیێ مفیتامین ژی د کارگەهێ ڤەبوو، د ئۆپەراسیۆنەکێ دا دەست ب سەر 15 هزار و 711 کیلۆگرامێن ماددەیێ هشبەر دا ل وی جهی هاتە گرتن.

هەروەسا دیارکر، ڤێ کارگەهێ بارهەلگرەک کو 100 کیلۆگرامێن حەبان تێدابوون بۆ وەلاتێن کەنداڤی هنارتیە.

هەروەسا ئەو ژی دیارکر، ب تۆمەتا هنارتنا ڤی ماددەیی ژ سلێمانییێ بۆ بەسرا، سزایێ سێدارەدانێ بۆ 6 کەسان دەرکەفتییە.