روانگەها سووری: سەربازێن رژێمێ بێی شەڕ خۆ ژ حەلەبێ ڤەدکێشن
بەلاڤ بکە
گاڤ
ل باکۆرێ سووریێ، ب تایبەت ل حەلەبێ، چەکدارێن ئیسلامی چەندین گوند و باژێڕکان ژ دەست حکومەتێ دەردئێخن و دبێژن: ئەو ناخوازن شەڕی ل دژی کوردان بکەن.
رامی عەبدولرەحمان، رێڤەبەرێ روانگەها سووری یا مافێن مرۆڤی ئەڤرۆ راگەهاند: گرۆپێن ئیسلامی یێن چەکدار دەستەیا "تەحریرولشام" پتر ژ 65 گوند و باژێڕکان ل دەردۆرێن حەلەبێ کونترۆل کرینە و نوکە د ناڤ سەنتەرێ حەلەبێ دانە.
رێڤەبەرێ روانگەها سووری هەروەسا دبێژیت: سەربازێن رژێما ئەسەدی ل پترییا دەڤەران بێی شەڕ خۆ ڤەکێشایە و چەکدارێن ئیسلامی ل حەلەبێ ناچنە وان تاخان یێن ل بن کونترۆلا کوردان، ژبەر کو ئەو ناخوازن شەڕ د ناڤبەرا وان و کوردان دا چێببیت.
دەما چەندین رۆژانە ل باکۆرێ سووریێ گرۆپێن ئیسلامی یێن چەکدار کو ب رەنگەکێ نەئێکسەر تورکیا پشتەڤانییێ لێ دکەت، هێرش ل سەر حکومەتێ دەستپێکرینە و چەندین دەڤەر ژ دەست حکومەتێ دەرخستینە.
