گاڤ

سوبەهی جڤاتا نوینەرێن ئیراقێ دێ کۆم بیت و پێنج بابەت د کارنامەیا روینشتنێ دا هەنە.

جڤاتا نوینەرێن ئیراقێ سوبەهی رۆژا ئێكشەمبی دێ کۆم بیت و ل گۆرەی ئەو کارنامەیا ل مالپەڕێ پەرلەمانی هاتییە دانان، پێنج بابەت د کارنامەیا روینشتنێ دا هەنە. د بڕگەیا ئێکێ یا روینشتنێ دا، دێ دەنگ ب پێشنیازا یاسایا بارێ کەسی هێتە دان و پاشی دێ دانوستاندن ل سەر رەشنڤیسێ یاسایا ڤەگەراندنا مولکان بۆ خودانێن وان هێنە کرن.

هەر د برگەیێن روینشتنا سوبەهی دا هەیە کو دانوستاندن ل سەر رەشنڤیسێ هەموارا دویێ یا یاسایا لێبۆرینا گشتی بهێنە کرن و خواندنا دویێ بۆ هەموارا پێنجێ ژ یاسایا فرۆکەڤانییا سڤیل و خواندنا دویێ بۆ رەشنڤیسێ هەموارا ئێکێ ژ یاسایا باژێڕێن پیشەسازی بهێتە کرن.