گاڤ

دەما سێ رۆژانە چەکدارێن ئۆپۆزسیۆنا ئیسلامی ل باکۆرێ سووریێ هێرش دکەنە سەر رژێما ئەسەدی و هێزێن سووریا دیمۆکرات ژی ئەڤرۆ دو باژێڕک کونترۆلکرن.

روانگەها سووری یا مافێن مرۆڤی راگەهاند: بۆ دەما سێ رۆژانە ل باکۆرێ سووریێ، ل گوندەوارێن حەلەبێ و سەنتەرێ حەلەبێ شەڕ د ناڤبەرا چەکدارێن ئۆپۆزسیۆنا ئیسلامی و سوپایێ سووریێ دا بەردەوامە و تا ئەڤرۆ بەری نیڤرۆ، 287 کەس هاتینە کوشتن کو چەندین ژ وان سڤیلن.

ژێدەری دیار ژی کر: هێزێن سووریا دیمۆکرات هەسەدێ ژی هێرش ل دژی گرۆپێن ئیسلامی دەستپێکرینە و ئەڤرۆ هەردو باژێڕکێن نوبل و زەهرا یێن سەر ب حەلەبێ ڤە کونترۆلکرینە.

هەرچەندە ژ سالا 2011 و تا سالا 2016 ئۆپۆزسیۆنا سووری ب گشتی، ب تایبەت گرۆپێن ئیسلامی یێن ئۆپۆزسیۆنێ ل باکۆرێ سوورییێ هێرشێن دژوار دکرنە سەر رژێما سووری و بۆ دەما چەندین سالان حەلەب و حەما و ژمارەکا دی یا باژێڕان کونترۆل کربوون، لێ ژ سالا 2016 رژێما سووری ئەو دەڤەر کونترۆل کربوونە ڤە و د 8 سالێن بۆری دا ئەڤە ئێکەم جارە ئۆپۆزسیۆن دشێت باژێڕەکێ وەک حەلەبێ و گوندەوارێن وێ ژ دەست رژێمێ دەردئێخیت.