گاڤ

هەڤدەمی ڤەکێشانا هێزێن رژێما سوورییێ ژ حەلەبێ، هێزێن سووریا دیمۆکرات فرۆکخانەیا نێڤدەولەتی یا حەلەبێ گرت و گرۆپێن ئیسلامی ب دەهان گوند و باژێڕک کونترۆلکرن.

روانگەها سووری یا مافێن مرۆڤی راگەهاند: ئەڤرۆ پشتی هێزێن سەر ب ئیرانێ ڤە و سەربازێن رژێما سووری ژ فرۆکخانەیا نێڤدەولەتی یا حەلەبێ هاتینە ڤەکێشان، هێزێن سووریا دیمۆکرات کو هێزێن کوردینە، فرۆکخانەیا نێڤدەولەتی یا حەلەبێ گرت و نوکە فرۆکخانە د بن کونترۆلا وان دایە.

ژێدەری خۆیا ژی کر: گرۆپێن ئیسلامی یێن خۆ ب ئۆپۆزسیۆنا سووری ناڤ دکەن، ئەڤرۆ پتر ژ 50 گوند و باژێڕکان ل دەردۆرێن حەلەبێ کونترۆلکرینە و پترییا باژێڕێ حەلەبێ ژی د بن کونترۆلا وان دایە.