گاڤ

پەرلەمانێ کوردستانێ کارنامەیا ئێکەم روینشتنا خۆلا شەشێ یا پەرلەمانی راگەهاند و ل گۆرەی کارنامێ، پەرلەمانتارێن نوی دێ سویندا یاسایی خۆن.

پەرلەمانێ کوردستانێ ئەڤرۆ کارنامەیا ئێکەم روینشتنا خۆلا شەشێ یا پەرلەمانی کو ل رۆژا دوشەمبییا بهێت ل دەمژمێر 11:00 سپێدێ یە، بەلاڤ کر و ل گۆرەی کارنامێ، سەرۆکێ دیوانا پەرلەمانی دێ ب تەمەنترین پەرلەمانتار گازی کەت کو وەک سەرۆکێ پەرلەمانی ئێکەم روینشتن بڕێڤەببەت.

پشتی ب تەمەنترین پەرلەمانتار وەک سەرۆکێ ئێکەم روینشتنا پەرلەمانی دهێتە دیارکرن، ئەو دێ ئەندامێن پەرلەمانی گازی کەت کو سویندا یاسایی بخۆن و ل گۆرەی ئەو کارنامەیا ئەڤرۆ ل مالپەڕێ پەرلەمانێ کوردستانێ هاتییە دانان، سەرۆکێ پەرلەمانی دێ ل گۆرەی پەیرەوێ ناڤخۆ یێ پەرلەمانی ئێکەم روینشتن برێڤەبەت.