گاڤ

دەما نێزیکی 24 دەمژمێرانە ب دەهان هزار کۆچبەرێن عەفرینێ ل هەرێما شەهبایێ ددۆرپێچکرینە و یەپەگێ ئەو دەڤەر بۆ چەکدارێن سەر ب تورکیا ڤە چوولکرینە.

ل سالا 2018ێ نێزیکی 200 هزار کوردێن عەفرینێ ژبەر هێرشا چەکدارێن ئیسلامی یێن سەر ب تورکیا ڤە، ژ عەفرینێ ئاوارە ببوونە باژێڕکێ تل رەفعەت و هەرێما شەهبایێ و د 5 کەمپان دا ئاکنجیببوون.

ژ دوهی وەرە و هەڤدەمی ڤەکێشانا چەکدارێن یەکینەیێن پاراستنا گەل (یەپەگێ) ب دەهان هزار کوردێن عەفرینێ ل تل رەفعەت و هەرێما شەهبایێ ئاسێ بووینە و رێیێن د ناڤبەرا عەفرینێ و وان دەڤەران دا و هەروەسا حەلەبێ و وان دەڤەران دا، ژ ئالییێ چەکدارێن ئیسلامی ڤە هاتینە گرتن.

هەرچەندە ئەو دەڤەرێن کوردێن عەفرینێ یێن ئاوارە لێ هاتینە ئاکنجیکرن، ل بن کونترۆلا یەپەگێ بوون، لێ پشتی دوهی چەکدارێن ئیسلامی یێن تەحریر ئەلشام داخواز ژ هەسەدێ و یەپەگێ کری وان دەڤەران بێی شەڕ چوول بکەت، چەکدارێن یەپەگێ ژ وان دەڤەران دەرکەفتینە.