گاڤ

کۆمبوونا پەرلەمانێ ئیراقێ دەستپێکر و وەکە د کارنامەیا روونشتنا ئەڤرۆ دا هاتیە ئاشکراکرن دێ دەنگ لسەر سێ پرۆژە قانوونان هێتە دان.

ب سەرۆکاتییا مەحموود مەشهەدانی، کۆمبوونا جڤاتا نوونەرێن ئیراقێ ب بەرهەڤبوونا 193 ئەندامێن پەرلەمانی دەستپێکر و سێ بابەت د کارنامەیا روینشتنێ دا نە، د بڕگەیا ئێکێ یا روینشتنێ دا، دێ دەنگ ب پێشنیازا یاسایا بارێ کەسی هێتە دان و پاشی دێ دانوستاندن ل سەر رەشنڤیسێ یاسایا ڤەگەراندنا مولکان بۆ خودانێن وان هێتە کرن. ل دووڤ دا دێ دانوستاندن ل سەر رەشنڤیسێ هەموارا دویێ یا یاسایا لێبۆرینا گشتی هێته‌كرن.

 بریاربوو دوهی پەرلەمانێ ئیراقێ کۆمببیت و دەنگی لسەر وان سێ پرۆژە قانوونان بدەت لێ ژبە گیرۆکرنا کۆمبوونان بۆ دەما چار دەمژمێران ژ دەمێ خۆ یێ دیار کری، ژمارەیەکا ئەندامێن پەرلەمانی هۆلا پەرلەمانی بجهێلا وەکە ژ نەرازیبوون سەرۆکاتییا پەرلەمانێ بۆ دەستپێنەکرنا کۆمبوونان.