گاڤ

پەرلەمانێ ئیراقێ کۆمدبیت و ئەندامەکێ فراکسیۆنا پارتی ل پەرلەمانێ ئیراقێ بۆ گاڤ گۆت: کورد ل پەرلەمانێ ئیراقێ دئێکگرتینە و هەرسێ پرۆژەیاسا پێکڤە پەسەند نەبن، چ پەسەند نابن.

د. خەلیل غازی، ئەندامێ فراکسیۆنا پارتی ل پەرلەمانێ ئیراقێ بۆ گاڤ گۆت: فراکسیۆنێن کوردی ل پەرلەمانێ ئیراقێ دەربارەی دەنگدانێ ل سەر پێشنیاز و پرۆژە یاسایێن  گرێدایی بارێ کەسایەتی، لێبۆرینا گشتی، و ڤەگەڕاندنا مولکان بۆ خودانێن وان یێن رەسەن، دئێکگرتی نە و ل گۆرەی ئەو رێککەفتنا هەی، ئەگەر هەرسێ پرۆژە پێکڤە پەسەند نەبن، چ ژ وان پەسەند نابن.

ب سەرۆکاتییا مەحموود مەشهەدانی، ئەڤرۆ کۆمبوونا جڤاتا نوونەرێن ئیراقێ ب بەرهەڤبوونا 193 ئەندامێن پەرلەمانی دەستپێکریە و سێ بابەت د کارنامەیا روینشتنێ دا نە، د بڕگەیا ئێکێ یا روینشتنێ دا، دێ دەنگ ب پێشنیازا یاسایا بارێ کەسی هێتە دان و پاشی دێ دانوستاندن ل سەر رەشنڤیسێ یاسایا ڤەگەراندنا مولکان بۆ خودانێن وان هێتە کرن. ل دووڤ دا دێ دانوستاندن ل سەر رەشنڤیسێ هەموارا دویێ یا یاسایا لێبۆرینا گشتی هێته‌كرن.