گاڤ

دەستەیا حەشدا شەعبی ئەو دەنگۆیە رەتکرن یێن بەحس ل وێ یەکێ کرین کو هێزێن وان یێن چووینە ناڤا ئاخا سووریێ و راگەهاند؛ ئەوا نوکە ل سووریێ چێدبیت کارڤەدانێن راستەراست لسەر ئێمناهیا ئیراقێ هەیە.

فالح فەیاز، سەرۆکێ دەستەیا حەشدا شەعبی راگەهاند؛ ئەو وان دەنگۆیان رەتدکەت وحەشدا شەعبی ژ دەرڤەی سنۆرێن ئیراقێ کارناکەت و گۆت؛ لسەر فەرمانا فەرماندارێ گشتیێ هێزێن چەکدار ئەوان هێزێن خۆ ل هەمی بەرەیان ل سنۆری زێدەکرینە.

پێشتر دو ژێدەران ل ناڤا سوپایێ سووریێ بۆ ئاژانسا رویتەرز گۆت بوو:  شڤێدی هەژمارەکا گرۆپێن چەکدارێن ئیراقی یێن کو ئیران پشتەڤانیێ لێدکەت، ب رێیا دەرگەهێ سنۆریێ بوکەمال دەربازی ئاخا سووریێ بوون و ژ بۆ پشتەڤانیکرنا هێزێن سووری بەر ب باۆرێ وی وەلاتی ڤە چووینە.