گاڤ

ل گوندێ بۆزان یێ سەر ب ناوچەدارییا ئەلقۆشێ ڤە، کەسەکی 14 گولـلە ل موەلیدەیا گوندی دان و ژکارئێخست.
ئەندامەکێ لژنەیا موەلیدەیا گوندێ بۆزان ب رێڤەدبەت، بۆ گاڤ گۆت: پێشتر خێرخوازەکێ موەلیدە بۆ گوندێ وان کڕییە، لژنەیەکێ ئەو موەلیدە ب رێڤەدبر و هەیڤانە تێچوویێ کارکرنا موەلیدێ ل سەر خەلکێ گوندی دابەش دکر. 
ئەو ئەندامێ لژنەیا موەلیدەیا گوندی هەروەسا دبێژیت: ئەو کەسێ ئەڤرۆ تەقە ل موەلیدەی کری، بەری سێ مەهان ب حەزا خۆ کارەبا موەلیدەی ژ مالا خۆ بڕییە و تەقەیا وی ئەڤرۆ ل موەلیدەی کری، نە ژبەر وێ یەکێ بوو کو قەر ل سەرن، ژبەر کو هندەک خەلکێ گوندی هەنە دەما 8 مەهانە پارەیێ موەلیدێ نەدایە و کارەب ژێ نەهاتییە بڕین.
دەربارەی چارەیا بابەتی، گۆت: برایێ وی کەسێ تەقە کری، تێچوویێ چاککرنا موەلیدێ ب ستۆیێ خۆ ڤە گرتییە و د چەند دەمژمێرێن بهێن دا، بابەت دێ چارەبیت.