گاڤ

نەتەوەیێن ئێکگرتی داخوازا راگرتنا شەرێ نوو یێ چەکداریێ ناڤخۆ یێ سووریێ دکەت و ژ ئالیێن ناکوک خواست هەر تشتەکێ بۆ پاراستنا گیانێ سڤیلان و ژێرخانا مرۆڤی بکەن.

ستیفان دۆجاریک،پەیڤدارێ ئەنتۆنیۆ گۆتیرێز، سکرتێرێ گشتیێ نەتەوەیێن ئێکگرتی ئەڤرۆ راگەهاند؛ گۆتیرێز ژبەر ئالۆزبوونا رەوشا مەیدانی لسووریێ ب تایبەتی پەیدابوونا شەری ل باکۆرێ ئەوی وەلاتی گەلەک دلگرانە و داخواز دکەت ب لەز شەر بهێتە راگرتن.

نەتەوەیێن ئێکگرتی د راگەهاندنا خۆ دا داخواز ژ هەمی ئالیێن ناکوک یێن سووریێ کر هەر تشتەکێ بۆ پاراستنا گیانێ سڤیلان و ژێرخانا مرۆڤی بکەن، ب تایبەتی لدەمێ چوون و بجههێلانا دەڤەر و ناوچەیێن خۆ بۆ جهێن ئارام.

پێج رۆژە شەرێ چەکداری ل سووریێ تایبەت ل حەلەب و و حەما و ژمارەکا دەڤەرێن کوردان ل رۆژئاڤاێ کوردستانێ دناڤبەرا گرۆپێ چەکداریێ ئۆپۆزسیۆن ب ناڤێ تەحریرولشام و سوپایێ وی وەلاتی دەستپێکری، تا نوکە ب سەدان کەس هاتینە کوشتن و ژمارەکا مەزن یا قوربانییان ژی سڤیلن.