گاڤ

دۆنالد ترەمپی گەفێن دژوار کرن و راگەهاند: ئەگەر هەتا 20ی کانوونا دویێ بارمتەیێن ل غەززە هاتینە گرتن، نەهێنە ئازادکرن، رۆژهەلاتا ناڤەراست دێ بیتە جەهنەم.

دونالد ترەمپ، سەرۆکێ هەلبژارتی یێ ئەمریکا، د تۆرێن خۆ یێن سۆشیال میدیایێ دا گەفێن دژوار ل هێزێن فلستینی کرن و گۆت: ل رێکەفتی 20ی کانوونا دویێ، ئەز دێ ب شانازی ڤە وەک سەرۆکێ نوی یێ ئەمریکا دەستبکار دبم، ئەگەر هەتا ڤێ رێکەفتێ بارمتەیێن د دەستێ حەماسێ دا مایین نەهێنە ئازادکرن، دێ رۆژهەلاتا ناڤەراست بیتە جەهنەم و ئەو کەسێن بەپرسن ژ ڤێ درندەییا دژی مرۆڤایەتیێ دێ گەهنە سزایێ خۆ.

ترەمپی هەروەسا گۆت ژی؛ کەسێن بەرپرسیار ژ ڤێ چەندێ، دێ خرابتر ژ هەمی لێدانێن دیرۆکا ئەمریکا، لێدانێ خۆن.

ل 7ی چریا ئێکێ یا سالا 2023ێ، حەماسێ هێڕشی ئسرائیلێ کر و ل گۆرەیی زانیاریێن ئسرائیلی، 1200 کەس کوشتن و هژمارەکا وەلاتی و سەربازێن ئسرائیلی و د ناڤ دا یێن ئەمریکی ژی وەک بارمتە گرتن.