رۆژنامهیا ئهلعهرهب: ب هویرى كار ل سهر كۆچكرنا كوردێن حهلهبێ دهێتهكرن
بەلاڤ بکە
گاڤ
رۆژنامهیا ئهلعهرهب د ههژمارا خۆ یا ئهڤرۆ دا دیاركریه، ب هویرى كار ل سهر كۆچكبهركرنا كوردێن حهلهبێ دهێتهكرن.
گرۆپێن ئهحرار ئهلشام كو توركیا پشتهڤانیێ لێ دكهت و ئهمریكا ب تیرۆرست ناڤ دكهت، دهما چهندین رۆژانه هێرشێن دژوار ل سهر حهلهب و حهمایێ دهستپێكرینه و كۆنترۆل كریه، هێزێن سووریا دیمۆكرات ژى چهندین هێرش ل دژى وان كرینه، گرۆپێن میلیشایێن ئیرانى و سوپایێ سووریا ل وان دهڤهرێن ئهحرار ئهلشام هێرش ل سهر كرى بێى شهڕ بهرداینه و رۆسیا ژى ژ وان دهڤهران چوویه.
ژێدهرهكێ تایبهت بۆ رۆژنامهیا ئهلعهرهب دیاركریهن ل شێخ مهقوود و ئهشرهفییا پارێزگهها حههبێ زێدهتر ژ 150 هزار كورد ئاكانجى نه، رووانگهها سووریا بۆ مافێن مرۆڤى ژى دبێژیت: ب سهرپهرشتى و رێنمایێن توركیا و هندهك گرۆپێن دى پلانهك بۆ كۆچبهركرنا كوردان ب هویرى د رێ دایه.
توركیا بهحس ل حهلهبێ دكهت كو بكهته پارێزگهها خۆ یا 82 یێ و و دبێژیت: د میساقا میللى دا پشكهكه ژ وهلاتێ توركیا و كارى بۆ دكهت.
رۆژنامێ ئاشكراكریه، ئهو گرۆپێن نوكه شهڕى دكهن كو توركیا پشتهڤانیێ لێ دكهت ئارمانجا سهرهكى یا وان ئهوه كوردان كۆچبهر بكهت و ل ئهرد و وارێن وان نههێلیت.
ههر ئهڤرۆ هێزێن سووریا دیمۆكرات (ههسهد)ێ راگههاند، پێلهكا دى یا ئاوارهبوونا كوردان ل رۆژئاڤا دهستپێكرییه و ژ وان جهێن شهڕ و مهترسى ل سهر بۆ باژێڕێ تهبقه یێ سهر ب پارێزگهها رهققه ڤه هاتنه ڤهگوهاستن.
