هونه‌رمه‌ند جورج وه‌سوف دۆستێ به‌شار ئه‌سه‌دى پشتى چوونا وى چ دبێژیت؟

بەلاڤ بکە

گاڤ

هه‌فتیه‌كێ پشتى ب دویماهیهاتنا ده‌ستهه‌لاتا به‌شار ئه‌سه‌دى، جورج وه‌سوف هونه‌رمه‌ندێ ب ناڤ و ده‌نگێ سوورى و سولتانێ سترانا عه‌ره‌بى كو ب دۆسته‌كێ بنه‌مالا ئه‌سه‌دى دهێته‌ ناسین، هه‌لوه‌ستێ خۆ همبه‌ر ره‌وشا سورویێ نیشاندا.

جورج وه‌سوف د پۆسته‌كێ دا ل تۆڕێن جڤاكى راگه‌هاند، دخوازم سووریا وه‌لاتێ من پاشه‌رۆژه‌كا گه‌ش و گشتگیر هه‌بیت كو تێدا ڤیان و ڤه‌ژاندن و ئارامى ره‌نگڤه‌ده‌ت.

وه‌سوف دۆسته‌كێ ئاشكرا یێ به‌شار ئه‌سه‌دى بوویه‌ و چه‌ندین جاران سه‌ره‌دانا وى كریه‌، ل سالا 2000ێ ده‌مێ بابێ به‌شارى حافز ئه‌سه‌دى وه‌غه‌ر‌كرى ژى سترانه‌ك پێگۆت.

 ل سالا 2014ێ ژى گه‌له‌ك ب توندى پشته‌ڤانیا خۆ بۆ به‌شارى نیشاندا و گه‌له‌ك جاران گۆتییه‌، به‌شار تاجا سه‌رێ وى یه‌.

 

 

زێدەتر دەربارەی