تێكستێ هه‌لبه‌ستا هونه‌رمه‌ندێ ناڤدارێ كودیڤوارى چ دبێژیت؟
بەلاڤ بکە
گاڤ
ل سۆشیال میدیایێ كلیپه‌ك به‌لاڤ بوویه كو ناڤێ كوردستانێ تێدا دئینیت، هه‌ر ئێكى وه‌ك خۆ شرۆڤه‌كرن داینێ، گاڤ ژى راستى و ناڤه‌ڕۆكا تێكستى به‌لاڤ دكه‌ت.
فاكولى ل باژێڕی ئۆدین ل كۆدیڤار ژ دایك بوویه و ژبلى كارێن هونه‌رى وه‌ك چالاكڤانه‌ك ژى ب رێكا سترانان بانگه‌شه‌یا گوهۆڕینێن سیاسى و جڤاكى دكه‌ت.
فاكولى هونه‌رمه‌نده‌كێ ناڤدارێ كۆدیڤوارى یه نویترین كلیپا خۆ به‌لاڤكریه، كلیپ ب ناڤێ ئێدى چ تشت من مه‌نده‌هۆش ناكه‌ن، ل تۆڕێن جڤاكى ره‌نگڤه‌دانه‌كا مه‌زن ب خۆ ڤه دیت پشتى ناڤێ كوردستانێ تێدا هاتى.
تیكن جاهـ فاكولى ب گۆتنا سترانێن سیاسى ناڤداره و دناڤا تێكستێن سترانێن خۆ دا به‌حسێ نه‌یه‌كسانییا جڤاكى، نه‌دادپه‌روه‌رییا جیهانێ، گه‌نده‌لیێ و سیاسه‌تێ دكه‌ت.، فاكۆلى د سترانا خۆ دا بێزار به‌حس ل جیهانێ دكه‌ت و ب هه‌سته‌كێ كویر هه‌مبه‌رى سیسته‌مێن جیهانێ ب پشكدارییا ده‌هان هونه‌رمه‌ندان سترانا خۆ به‌رده‌وامیێ پێ دده‌ت.
فاكۆلى ڤێجارێ د سترانا خۆ به‌حسا هه‌رێما كوردستانێ و ئیراقێ كریه و دبێژیت: "ئه‌گه‌ر هاریكارییا من بكه‌یى ئیراقێ بۆمبه‌باران بكه‌م دێ كۆردستانێ بۆ ته رێكئێخم".
تێكستێ سترانێ
وان جیهان یا دابه‌شكرى
ئێدى چ تشت من مه‌نده‌هۆش ناكه‌ن
ئه‌گه‌ر تو شیشانێ بده‌یه من، ئه‌ز دێ ئه‌رمینیا ده‌مه ته
ئه‌گه‌ر تو ئه‌فغانستان بده‌یه من ئه‌ز دێ پاكستانێ ده‌مه ته
ئه‌گه‌ر تو هایتى بجهـ بهێلى دێ ته هنێرمنم بۆ بانگۆ
ئه‌گه‌ر هاریكارییا من بكه‌یى ئیراقێ بۆمبه‌باران كه‌م، دێ كوردستانێ بۆ ته چاره كه‌م
وان جیهان دابه‌شكریه
ئێدى چ تشت من مه‌نده‌هۆش ناكه‌ن
وان جیهان یا دابه‌شكرى
ئێدى چ تشت من مه‌نده‌هۆش ناكه‌ن
ئه‌گه‌ر یۆرانیۆمى بده‌یه من، دێ ئه‌له‌منیۆمى ده‌مه ته
ئه‌گه‌ر یه‌ده‌كێ كانزایان بده‌یه من، دێ هاریكارییا ته كه‌م تو ب ره‌خ تالیبان بدانى
ئه‌گه‌ر گه‌له‌ك گه‌نمى بده‌یه من، دێ مل ب ملێ ته شه‌رى كه‌م
ئه‌گه‌ر كانێن خۆ بۆ من بجهـ بهێلى، د دویفكه‌فتنا تالیبان دا دێ هاریكاریا ته‌كه‌م
ئه‌گه‌ر رێكی بده‌یى زێڕێن ته ده‌ربێخم، د ده‌رخستنا جه‌نه‌رالێن ته دا دێ هاریكار بم
وان جیهان یا دابه‌ش كرى
ئێدى چ تشت من مه‌نده‌هۆش ناكه‌ن
بێى راوێژا مه ژى بكه‌ن، ئه‌فریكیا دابه‌شكرن
ئه‌و تووشى مه‌نده‌هۆشیێ بوون كو ئێدى ئه‌م نه د ئێكگرتى نه
پشكه‌ك ژ ئیمپراتۆرییه‌تان مالى بوو پشكه‌ك ژى ژ گه‌لێ وولوف
پشكه‌ك ژ شاهنشینین مووسا بوو پشكه‌ك ژ غانا
پشكه‌ك ژ یمپراتۆرییه‌تا سوسو بوو پشكه‌ك ژ یمپراتۆرییه‌تا مالى
پشه‌ك ژ یمپراتۆرییه‌تا مالى بوو پشكه‌ك ژ شاهنیشنا مووسایى
وان ئه‌فریكیا دابه‌شكر
ئه‌وان جیهان دابه‌ش كریه
ئێدى چ تشت من مه‌نده‌هۆش ناكه‌ن
https://www.youtube.com/watch?v=fFoThCFlD3c
