کالیفۆرنیا.. ئاگر بەردەوامە و 16 کەسان ژیانا خۆ ژدەستدایە
گاڤ
ژمارەیا کەسێن د ئاگرێ ویلایەتا کالیفۆرنیا دا ژیانا خۆ ژدەستدای گەهشتە شازدە کەسان و ژبەر بەردەوامییا بایێ بهێز، ترس هەیە ئاگر زێدەتر بەلاڤ ببیت.
ل رۆژا سێشەمبییا بۆری ل باژێڕێ لۆس ئەنجلس ل ویلایەتا کالیفۆرنیا ل ئەمریکا، د ئێک دەم دا ئاگر بەربوو پێنج دەڤەرێن جودا یێن وی باژێڕی و ژبەر هەبوونا رێژەیەکا مەزن یا دارستانان ل رەخودۆرێن لۆس ئەنجلس، ئاگر زوی بەلاڤ بوو.
ژ رۆژا سێشەمبییا بۆری تا ئەڤرۆ، ئەو ئاگر نەهاتینە کونترۆلکرن و تا شڤێدی ب دەمێ هەرێما کوردستانێ، شازدە کەسان ژ ئەگەرێ وی ئاگری ژیانا خۆ ژدەستدایە، نێزیکی 180 هزار کەسان دەربدەر بووینە، پتر ژ 12 هزار مالان سۆتینە و زیانێن ئاگری ب نێزیکی 150 ملیار دۆلاران دهێنە خەملاندن.
بەرپرسێن ویلایەتا کالیفۆرنیا دبێژن: هەرچەندە وان ل هندەک دەڤەرێن باشۆرێ کالیفۆرنیا ئاگر کونترۆلکریە، لێ پێلەکا بایێ بهێز ب رێڤەیە و دبیت ئاگر جارەکا دی و بهێزتر هەلببیتە ڤە.