تاتلیسەس بۆ ئەردۆگانی: تا مرنێ ئەز یێ ل گەل هەوە

بەلاڤ بکە

گاڤ

هونەرمەندێ بەرنیاس ئیبراهیم تاتلیسەسی پشتەڤانییا خۆ بۆ سەرۆککۆمارێ تورکیا دوپات کر و داخواز ژێ کر سۆزێ بدەت جارەکا دی خۆ بۆ سەرۆکاتییا کۆمارییا تورکیا بەربژار بکەت.

دوهی د چارچووڤەیێ ئامادەباشییێن کۆنگرەیێ پارتییا داد و گەشەپێدان ئاکەپێ دا، رەجەب تەیب ئەردۆگان، سەرۆککۆمارێ تورکیا و سەرۆکێ ئاکەپێ چوو هەردو باژێڕێن ئامەد و رۆهایێ و ل وان باژێڕان گۆتار پێشکێشکرن.

ل رۆهایێ، پشتی ئەردۆگانی گۆتارەک پێشکێشکری، هونەرمەند ئیبراهیم تاتلیسەس کو ل سەر کورسیا خودان پێدڤییێن تایبەتە، چوو سەر ستەیجێ و ل وێرێ گۆتە ئەردۆگانی: ئەز دێ هیڤییەکێ ژ سەرۆککۆمارێ خوازم. ئەم تا مرنێ یێ ل گەل وە. ئەز تا دویماهی هەناسەیا خۆ یێ ل گەل تە و ئەز دێ تشتەکێ بێژمە تە "بۆ قووناغا بهێت ئەم ئامادەکارییان بۆ پۆستێ سەرۆککۆماری دکەین؟ دا ڤێ سۆزێ ژ وە وەربگرین."

رەجەب تەیب ئەردۆگانی د بەرسڤا ئیبراهیم تاتلیسەسی دا گۆت: ئەگەر تو ل گەل من بی، ئەز ژی ل گەل وەمە.

هەرچەندە ل گۆرەی پلانێ پێدڤییە ل سالا 2028 هەلبژارتنێن سەرۆکاتییا کۆمارا تورکیا بهێنە کرن، لێ نوکە ئۆپۆزسیۆن فشاران دکەت هەلبژارتێن پێشوەخت بهێنە کرن و پارتیێن ئۆپۆزسیۆن دبێژن: ل گۆرەی دەستووری نابیت ئەردۆگان خۆ جارەکا دی بۆ سەرۆکاتییا کۆمارییا تورکیا بەربژار بکەت.

 

زێدەتر دەربارەی