گاڤ

حكومه‌تا ئیراقێ راگه‌هاند، رێككه‌فتنه‌كا لێكتێگه‌هشتنێ بۆ چار وه‌ستگه‌هێن په‌ترۆلا كه‌ركووكێ ل گه‌ل بریتانییا هاته‌كرن و ئه‌و لێكتێگه‌هشتن بۆ زێده‌كرنا به‌رهه‌مى یه‌.

دو رۆژن محه‌مه‌د شیاع سوودانى، سه‌رۆكوه‌زیرێن ئیراقێ ل بریتانیایه‌ و دهێته‌ چاڤه‌ڕێكرن چه‌ندین رێككه‌فتنێن ئابۆرى ل گه‌ل حكومه‌ت و كۆمپانیێن وى وه‌لاتى بكه‌ت.

نڤیسینگه‌ها محه‌مه‌د شیاع سوودانى، سه‌رۆكوه‌زیرێن ئیراقێ راگه‌هاند، رێككه‌فتنه‌كا لێكتێگه‌هشتنێ بۆ بجهئینانا هه‌لسه‌نگاندنا شیانێن دوباره‌ گه‌شه‌پێدانا ته‌مام بۆ هه‌ر چار په‌ترۆلگه‌هێن كه‌ركووكێ هاتییه‌ ئیمزاكرن.

هه‌روه‌سا دیاركر، ل گۆره‌یى یاداشتێ شیاندن و گه‌شه‌پێدانا هه‌ر چار په‌ترۆلگه‌هێن نه‌فتى یێن كۆمپانییا نه‌فتا باكۆر ل كه‌ركووكێ دێ ب كۆمپانییا BP یا بریتانى هێنه‌ دان و ئه‌ڤ یه‌كه‌ ژى بۆ زێده‌كرنا به‌رهه‌مى یه‌ و گه‌هشتنه‌ ب باشتركرنا تێكرایێ به‌رهه‌مێ نه‌فت و گازێ.