پڕۆژێ هه‌ژمارا من رێككه‌فتنه‌كا ستراتیژى ل گه‌ل كۆمپانییا ڤیزا جیهانى ئیمزا كر

بەلاڤ بکە

گاڤ

وه‌زاره‌تا دارایى و ئابۆرى یا حكومه‌تا هه‌رێما كوردستانێ راگه‌هاندنه‌ك ل دۆر ئیمزاكرنا رێككه‌فتنه‌كا ستراتیژى ل گه‌ل كۆمپانییا ڤیزا یا جیهانى به‌لاڤكر.

وه‌زاره‌تا دارایی یا حكومه‌تا هه‌رێما كوردستانێ دیاركر، پڕۆژه‌یێ هه‌ژمارا من رێككه‌فتنه‌كا ستراتیژى ل گه‌ل كۆمپانیا ڤیزا جیهانى ئیمزاكر.
هه‌روه‌سا دیاركر، رێككه‌فتن هاریكارییا فه‌رمانبه‌ر و مۆچه‌خۆران دكه‌ت، پتر پشتبه‌ستنێ ب پاره‌یێ دیجیتالى و كاروبارێن رۆژان بكه‌ن.

حكومه‌تێ دیاركریه‌، ئه‌ڤ یه‌ك پێنگاڤه‌كا گرنگه‌ بۆ گه‌هشتن ب ئارمانجا گه‌شه‌پێدانا شێوازێ پاره‌دانا دیجیتالى و به‌ره‌ف پێشبرنا گشتگیرییا ئابۆرى ب رێكا چه‌ندین كه‌مپینه‌یێن په‌روه‌رده‌یى و هۆشیاریێ ده‌رباره‌یى پاره‌دانا دیجیتالى و خزمه‌تگۆزاریێن بانكى ل هه‌رێما كوردستانێ كو دێ هاریكار بیت بۆ مووچه‌خۆڕان بشێن زێده‌تر پشتبه‌ستنێ ب پاره‌دانا دیجیتالى د كاروبارێن خۆ یێن رۆژانه‌ دا بكه‌ن و ل نێزیك دێ ئێك ملیۆن وه‌لاتیێن هه‌رێما كوردستانێ مووچه‌یێن خۆ ب شێوه‌یێ دیجیتالى وه‌رگرن.

ماریۆ مه‌كارى، جێگرێ سه‌رۆكى و رێڤه‌به‌رێ گشتى یێ كۆمپانییا ڤیزا ل رۆژهه‌لاتا ناڤین دبێژیت: هۆشیاری و گشتگیرییا ئابۆرى بناغێ بهێزكرن و گه‌شه‌پێدانا ئابۆرى نه‌.

 

زێدەتر دەربارەی