"کلیلەک بۆ چارەیا کێشهیان"
ئەحمەد ھەژار
ل وی دەمی کو قەیران و کێشە بەرۆکێ هەرێمێ دگرن، سەرۆکێ هەرێما کوردستانێ د جهــ دا دبیتە کۆمکەرێ هەمویان، ڤێ یەکێ کریە کو خەلکێ کوردستانێ هیڤییەکا مەزن ب سەرۆکێ هەرێمێ هەبیت. ڤێ جارێ سەرەدانا وی بۆ بەغدایێ جوداتر بوو، خەلکێ ئیراقێ ژی گەلەک هیڤی پێ هەبوون، ژبەر کو د ڤی دەمێ نازک دا کو رهوشا ئیراقێ ئالۆزە، سەرەدانا نێچیرڤان بارزانی هیڤییەکا مەزن بوو کو خەلکێ ئیراقێ باوهرییهكا مەزن ب نەخشەڕێیا سەرۆکێ هەرێمێ هەبیت بۆ چارەكرن و سەقامگیریا ئیراقا فیدرال.
د سەردەمەکی دا کو رۆژهەلاتا ناڤین د قووناغەکا هەستیار و پڕ ئالۆزی را دەرباز دبیت، سەرۆکێ هەرێما کوردستانێ نێچیرڤان بارزانی وەک کەسایەتییەکێ دیپلۆمات و ناڤبهینكار، وەک کلیلا چارهیا کێشهیێن ئالۆز دهێتە دیتن. ڤێ یەکێ کریە کو باوهریا خەلکی و ئالییێن سیاسی یێن هەرێما کوردستانێ بدەستڤە بینیت و ببیتە سهیوانا پێکڤەژیانێ و ئاشتیێ د ناڤبەرا هەموی ئالییان دا.
نوكه، دەمێ تهماشهیى خەلکێ ئیراقێ و وەلاتێن ئەرەبی دكهین، دبینین کو سەرۆک نێچیرڤان بارزانی بوویە سیمبۆلێ پێکڤە گرێدانا ئالیین نەکۆک و هیڤییەکا مەزن بۆ نەهێلانا کێشە و ئاستەنگییان. وی شیایە پەیوەندییێن باش ل گەل هەموی ئالیان دروست بكهت و ببیتە پرەک بۆ نێزیککرنا هزر و بۆچوونێن جودا.
سەرۆک نێچیرڤان بارزانی خودانێ پێگەهەکا سیاسی یا گرنگە ل هەرێما کوردستانێ و پێگەهەکا بەرفرههـ هەیە ل ئاستێ نێڤدەولەتی. رۆلەکێ گرنگ دبینیت د کۆمکرنا هەمى لایەنان و گوهداریکرنا داخواز و کێشێن وان. وی شیایە باوهریا ئالیان و کۆمێن جودا بدەستڤە بینیت و بوویە نموونا دیپلۆماسیەتێ و بەرێڤەبرنا پەیوەندییێن سیاسی ل ڤێ دەڤەرا پڕ گوهۆڕینان ب خۆڤه دبینیت.
رۆلێ وی كارتێكرنهكا مەزن ل سەر پێشڤەچوونا رهوشا سیاسی یا ئیراقێ و وەلاتێن دۆرماندۆر هەیە. ل ڤی دەمی، ل هەر قەیرانەکا سیاسی، تەنانەت خەلک و وەلاتییێن ئیراقی ژی چاڤێن وان ل سەرۆک نێچیرڤان بارزانینە، دا کو گاڤان بەرەڤ ئاشتیێ بهاڤێژیت و قەیرانان چارە بکەت و هیڤی و رێکەکێ بۆ دانوستاندنان ببینیت.
نێچیرڤان بارزانی ب رێیا سیاسەتا خۆ یا ناڤبهینكار و دیپلۆماسیەتا بەرفرەهـ، شیایە ببیتە نیشانا ئاشتیێ و سەقامگیریێ ل دەڤەرێ. رۆلێ وی گرنگ و پڕ بهایە بۆ کۆمکرنا هەموی ئالییان د پێناڤ بەرژەوەندیا وەلاتیان دا