فوئاد حسێن: چەک ژ دەرڤەی دەستهەلاتا دەولەتێ ناهێتە قەبویلکرن
01/16/2025 - 20:10
گاڤ
حکومەتا ئیراقێ بزاڤان دکەت گروپێن چەکدار یێن بهێز رازیبکەت چەکێن خۆ دانن و تەڤلی هێزێن ئەمنی یێن فەرمی ببن ژبەرکو چەک ژ دەرڤەی دەستهەلاتا دەولەتێ ناهێتە قەبویلکرن
فوئاد حسێن وەزیرێ دەرڤە یێ ئیراقێ ئەڤرۆ بۆ ئاژانسا رۆیتەرز راگەهاند؛ نوکە بەغدا بزاڤان دکەت ئەوان گروپێن چەکدار یێن بهێز رازیبکەت یێن کو شەرێ هێزێن ئەمریکی کری و مۆشەک و فرۆکێن چاڤدێریێ ئاراستەی ئسرائیلێ کرین کو چەکێن خۆ دانن و تەڤلی هێزێن ئەمنی یێن فەرمی ببن.
ل گۆرەی رۆیتەرزێ ئەڤ گاڤا حکومەتا ئیراقێ پشتی گوهەرینێن ڤێ داویێ یێن رۆژهەلاتا ناڤین هات، وەک تێکچوونا رەوشا هەڤپەیمانێن ئیرانێ ل غەززە و و لبنانێ ب رەنگەکێ بەرچاڤ هەروەسا روخاندنا رژێما سووریێ ژ ئالیێ گرۆپێن چەکدار ڤە.