پەکەکە مەرجێن خۆڤەکێشانێ ژ سوورییێ رادگەهینیت
گاڤ
پارتییا کارکەرێن کوردستانێ دەربارەی خۆڤەکێشانێ ژ رۆژئاڤایێ کوردستانێ مەرج هەنە و ب گۆتنا بەرپرسەکێ وێ، د رۆژێن بهێن دا دێ چارەنڤیسێ سووریایا نوی دیاربیت.
ئاژانسا رۆیتەرز ژ زارێ بەرپرسەکێ پەکەکێ راگەهاند: ئەگەر دەڤەرێن باکۆرێ رۆژهەلاتێ سوورییێ بمیننە ل بن کونترۆلا هێزێن سووریا دیمۆکراتیک هەسەدێ یان ژی هەسەدێ دەستهەلاتەکا هەڤپشک ل وان دەڤەران هەبیت، پەکەکە ئامادەیە ژ سوورییێ دەربکەڤیت.
وی بەرپرسێ پەکەکێ دیار ژی کرییە: ئەگەر پەکەکە ژ سوورییێ دەربکەڤیت ژی، دێ ژ نێزیک چاڤدێرییێ کەت و هەر دەما تورکیا ل سەر دەڤەرێن ل بن کونترۆلا هەسەدێ ببیتە گەف، ئەو دێ دئامادەبن هێرشان بکەن.
دەربارەی چارەنڤیسێ سوورییێ، ئەو بەرپرسێ پەکەکێ بۆ رۆیتەرز دبێژیت: پشتی چەند رۆژێن دی، دۆنالد ترەمپ، سەرۆکێ هەلبژارتی یێ ئەمریکا دێ دەستبکاربیت و ل وی دەمی دێ چارەنڤیسێ سوورییێ ب رەنگەکێ باشتر ئاشکرابیت.
شەڕڤانێن یەکینەیێن پاراستنا گەل یەپەگێ د ناڤ هێزێن سووریا دیمۆکرات هەسەدێ دا هەنە و تورکیا دبێژیت: یەپەگە پشکەکە ژ پەکەکێ و رێکخستنەکا تیرۆری یە، لێ ئەمریکا و وەلاتێن رۆژئاڤا دبێژن "کوردان ژ پێش وەلاتێن رۆژئاڤا ڤە شەڕێ ل دژی تیرۆرێ کرییە و داعش ژناڤبرییە".