ئیران و رۆسیا رێككه‌فتنه‌كا گشتگیر ئیمزا كر

بەلاڤ بکە

گاڤ

هه‌ر دو سه‌رۆكایه‌تیێن رۆسیا و ئیرانێ رێككه‌فتنه‌كا گشتگیر ئیمزا كر و په‌یوه‌ندیێن هه‌ر دو وه‌لاتان چوونه‌ د قۆناغه‌كا نوو دا.

مه‌سعوود پزیشكییان، سه‌رۆككۆمارێ ئیرانێ و فلادمیر پۆتین، سه‌رۆكێ رۆسیا كۆمبوون و پشتى كۆمبوونێ رێككه‌فتنه‌كا 20 سالى د ناڤبه‌را خۆ دا ئیمزاكرن كو وارێن به‌رگرى، ئاساییش و ئابۆرى ب خۆڤه‌ دگریت.

پشتى دو گه‌ڕێن دوور و درێژ یێن دانوستاندنان د ناڤبه‌را پۆتینى و پزیشكیانى دا ئه‌و رێم ره‌سم هاته‌ سازكرن، سه‌رۆكێ رۆسیا راگه‌هاند، ته‌هران و مۆسكۆیێ دیتنێن هه‌ڤپشك هه‌نه‌ و ئه‌و په‌یوه‌ندى چ جاران سار نابن تا د گه‌هنه‌ ئارمانجێن خۆ یێن پاشه‌رۆژێ.

هه‌روه‌سا ئاشكراكر، رۆسیا هاریكارییا ئیرانێ دكه‌ت بۆ گه‌شه‌پێدانا پڕۆژه‌یێ ئه‌تۆمى و ب ده‌ستڤه‌ئینانا تێهنه‌كا بێ مه‌ترسى و مۆسكۆ دێ دو یه‌كه‌یێن نوو یێن ئه‌تۆمى ل بنگه‌هێ ئه‌تۆمیێ بوشه‌هر ل ئیرانێ دامه‌زرینیت.

زێدەتر دەربارەی