روانگەها سووری ئامارا ئەڤ سالە یا پشتەڤانیێن سەربازی یێن هەڤپەیمانان بۆ رۆژئاڤایێ ئاشکرا دکەت
01/19/2025 - 21:53
گاڤ
روانگەها سووری یا مافێن مرۆڤی راگەهاند: هێزێن هەڤپەیمانیا نیڤدەولەتی یا دژی داعشێ ل سالا 2025 ژی بەردەوامن ل سەر هنارتنا هاریکاریێن سەربازی و لۆجستی بۆ دەڤەرێن باکوور و رۆژهەلاتا سوریا ب هەر دو رێیێن ئەسمانی و هشکاتی.
روانگەها سووری د ئامارەکێ دا ئاشکرا کر: ژ دەستپێکا ئەڤ سالە هێزێن هەڤپەیمان کو ئەمریکا سەرکێشییا وێ دکەت، ب رێیا 16 فرۆکەێن بارهەلگر و 197 بارهەلگر و ترومبێلێن گرتی کەلوپەل و پشتەڤانییێن سەربازی و لۆجستی یێن پێشکەفتی هنارتینە دەڤەرێن باکوور و رۆژهەلاتا سووریێ و پشکەک ژ وان بۆ کۆبانێ هاتینە ڤەگۆهاستن.
دیار ژی کر: دگەل هنارتنا پشتەڤانیێن سەربازی، هێزێن هەڤپەیمان لسەر زێدەکرنا بنگەهێن خۆ یێن سەربازی و بەرفرەهکرنا مەشق و راهێنانێن خۆ یێن هەڤپشک ل گەل هێزێن سوورا دیمۆکرات ژی بەردەوامە.