زاخۆ و دهۆکێ یارییێن گرنگ هەنە
01/24/2025 - 11:37
گاڤ
ئەڤرۆ د چارچووڤەیێ خۆلا ستێرێن ئیراقێ دا چار یاری دێ هێنە کرن و دهۆک و زاخۆ ژ دەرڤە یاریگەهێن خۆ بزاڤێن برنا سێ خالان دکەن.
ئەڤرۆ رۆژا ئەینی د چارچووڤەیێ خۆلا ستێرێن ئیراقێ دا، چار یاری هەنە، ل دەمژمێر 2:30 پشتی نیڤرۆ، یانەیا زاخۆ دێ بیتە مێهڤانا نەفت میسان و د هەمان دەم دا، یانەیا تەلەبە دێ مێهڤاندارییا یانەیا نەفت کەت.
هەر ئەڤرۆ ل دەمژمێر 5:00 مەغرەب، یانەیا دهۆک یارییەکا گرنگ ل بەسرە هەیە و د ڤێ یارییێ دا دهۆک مێهڤانا یانەیا مینا یە و ئەڤرۆ ل دەمژمێر 7:30 شەڤێ ژی، یانەیا نەورۆز دێ ل گەل یانەیا شورتە د یاریگەها شەعب یا نێڤدەولەتی دا یارییێ کەت.
نوکە د خۆلا ستێرێن ئیراقێ دا یانەیێن زاخۆ و دهۆک ل رێزێن چارێ و پێنجێ دهێن و ئەگەر یانەیا شورتە د یارییا خۆ یا ئەڤرۆ دا سەرنەکەڤیت و دهۆک و زاخۆ سەربکەڤن، دێ چنە رێزێن دویێ و سێیێ.