ساخلەمییا دهۆکێ: خانەنشینی دێ کارتێکرنێ ل کەرتێ ساخلەمییێ کەت
01/29/2025 - 14:46
گاڤ
ل سنۆرێ پارێزگەها دهۆکێ مەها بهێت دێ نەخۆشخانەیەکا نوی هێتە ڤەکرن، لێ د هەمان دەم دا، خانەنیشنی دێ بیتە ئەگەر چەندین بنگەهێن ساخلەمییێ بهێنە داخستن.
د. ئەفراسیاب مووسا، رێڤەبەرێ گشتی یێ ساخلەمییا پارێزگەها دهۆکێ ئەڤرۆ د کۆنگرەیەکێ رۆژنامەڤانی دا راگەهاند: هەڤدەمی بجههاتنا یاسایا خانەنیشینییێ، دێ نێزیکی 280 نوشدار و کارمەندێن ساخلەمییێ ل پارێزگەها دهۆکێ خانەنشین بن و ئەڤە دێ بیتە ئەگەر کێماسی د ستافێن نوشداری دا چێببن و دبیت هندەک بنگەهێن ساخلەمییێ ب تەمامی بهێنە داخستن.
د. ئەفراسیاب مووسای هەروەسا گۆت: نەخۆشخانەیا کۆمەلگەها هێتویتێ ل سنۆرێ دەڤەردارییا ئامێدییێ ب رێژەیا ٪95 تەمام بوویە و ئەو پێشبینی دکەن ل مەها بهێت بکەڤیتە کاری.