د. ئازاد نەجار زاخۆیی بۆ گاڤ: ئەمریکا دەستویری دا من دلێ دەستکرد د لەشێ مرۆڤەکی دا بچینم
گاڤ - تایبەت
نۆشدارێ کورد یێ زاخۆیی یێ کو دلێ دەستکرد دروست کری، دەستویرییا رێکخراوەکا ئەمریکی وەرگرت دا کو دلێ دەستکرد د لەشێ کەسەکێ ئەمریکی دا بچینیت.
د. ئازاد نەجار، تایبەت بۆ گاڤ تیڤی راگەهاند؛ دوهی سازییا خوارن و دەرمانی یا ئەمریکی دەستویری دایە من کو دلێ دەستکرد یێ ژ داهێنانا من بکاربئینم.
د. ئازاد نەجاری هەروەسا گۆت ژی؛ ل 2018ێ مە سەرەدانا واشنتونێ کر و داخوازا مۆلەتێ کر، پشتی بجهئینانا مەرجان، دوهی رێکخراوا جیهانی یا FDA رازیبوو کو ڤی دلی ل سەر لەشێ مرۆڤان تاقی بکەین.
بۆ گاڤ دا زانین ژی؛ پێشتر مە ئەڤ دلە ل سەر لەشێ گیانداران تاقیکریە و سەرکەفتن ئینایە و ئەگەر ب رەنگەکێ ئاسایی دەست ب کارێ خۆ بکەین دشێین هەر هەیڤ دلەکی دروست بکەین و ئەڤ دلە وەکی دلێن ئاسایی کارێ خۆ دکەت.
د. ئازاد نەجار، نۆشدارەکێ کوردە و خەلکێ زاخۆ یە، ل سویدێ نۆشدارییێ دکت و ئەو ب بەردەوامی دلێ دەستکرد دروست دکەت و چەندین باوەرنامە بۆ داهێنانێن خۆ وەرگرتینە.
وەرگرتنا دەستویرییا رێکخراوا FDA مەرجە بۆ بکارئینانا دەرمان و ئامیرەیێن ساخلەمییێ.