گاڤ

ئەڤرۆ دێ شاندەکا هەرێما کوردستانێ ل بەغدایێ ل گەل وەزیرا دارایی یا ئیراقێ و چەندین بەرپرسێن دی یێن ئیراقی بەحسا مووچەیێ دویماهی هەیڤا پار و مووچەیێن ئەڤ سالە یێن مووچەخۆرێن هەرێما کوردستانێ کەن.

بریارە ئەڤرۆ ل دەمژمێر 1:00ی پشتی نیڤرۆ شاندەکا هەرێما کوردستانێ ب سەرۆکایەتییا ئاوات شێخ جەناب، وەزیرێ دارایی یێ هەرێما کوردستانێ و شاندەکا ئیراقێ ب سەرۆکایەتییا تەیف سامی، وەزیرا دارایی یا ئیراقێ ل مالا د. فوئاد حسێن، جێگرێ سەرۆکوەزیرێ ئیراقێ کۆم ببن.

وەک پێشتر رێباز حەملان، بریکارێ وەزارەتا دارایی یا ئیراقێ راگەهاندی، کۆمبوونا ئەڤرۆ گرنگ و ئێکلاکەرە و د کۆمبوونێ دا دێ چارەنڤیسێ مووچەیێ هەیڤا 12 یا پار و مووچەیێن هەیڤێن بهێن هێتە دیارکرن.