پەرلەمانێ ئیراقێ دەنگ دا: دێ هنارتنا پەترۆلا هەرێمێ دەستپێکەتەڤە

بەلاڤ بکە

گاڤ

پەرلەمانێ ئیراقێ دەنگ ل سەر هنارتنا پەترۆلا هەرێمێ دا و ل دویڤ ڤێ یاسایێ دڤێت هنارتنا پەترۆلا هەرێمێ دەستپێ بکەتەڤە.

ئەڤرۆ پەرلەمانێ ئیراقێ ب پتریا ده‌نگێن ئه‌ندامان ده‌نگ ل سه‌ر هه‌موارا بودجه‌یا گشتى و مادده‌یێ 12 یێ تایبه‌ت ب هنارتنا په‌ترۆلا هه‌رێما كوردستانێ دا و ل دویڤ شوینوارێن ڤێ یاسایێ پێدڤیە هنارتنا پەترۆلا هەرێمێ ب رێکا سۆمۆ دەستپێ بکەتەڤە.

کاڤین سەعید پەرلەمانتارا ئیراقێ بۆ گاڤ گۆت؛ دوباره دێ‌ ده‌ست ب هنارتنا په‌ترۆلا هه‌رێما كوردستانێ هێته‌كرن.

هەروەسا ئەو ژی دا زانین؛ پێدڤییه‌ حكومه‌تا فیدرالى پابه‌ندبیت ب خه‌رجكرنا هه‌مى شایسته‌یێن دارایی یێن هه‌رێما كوردستانێ د یاسایا بودجه‌یێ دا.

گاڤ زانییە ل دویڤ یاسایێ، 16 دۆلار وەک بهایێ دەرئینان و ڤەگوهاستنا هەر بەرمیلەکی هاتینە دەستنیشانکرن بۆ هەیاما 60 رۆژان.

زێدەتر دەربارەی