مەسروور بارزانی ل گەل شاندا دانوستاندکارا هەرێمێ ل گەل بەغدا کۆمبوو

بەلاڤ بکە

 

 

 

گاڤ

سەرۆکێ حکومەتا هەرێما کوردستانێ ئەڤرۆ ل گەل شاندا دانوستاندکارا هەرێمێ ل گەل بەغدا کۆمبوو و بەحس ل دەرئەنجامێن کۆمبوونێن وان هاتە کرن.

سەرۆکاتییا حکومەتا هەرێمێ د راگەهاندنەکێ دا بەلاڤکر: د کۆمبوونێ دا شاندا هەرێمی کورتییەک دەربارەی ئەنجامێن گۆتۆبێژێن دیدارێن خۆ ل بەغدا تایبەت ب هەموارکرنا یاسایا بودجەیێ گشتی یێ فیدرال و دابینکرنا شایستەیێن دارایی یێن هەرێمێ ئێخستنە بەرچاڤ.

سەرۆکوەزیر مەسروور بارزانی سوپاسییا ئەندامێن شاندی و تیمێن تەکنیکی یێن حکومەتێ کر کو گەلەک ب پیشەیانە و دلسۆزانە ئەرکێن خۆ بجهئینان و هیڤی ژی خواست دەنگدان لسەر هەموارکرنا یاسایا بودجەیێ فیدرال ببیتە ئەگەرێ چارەکرنا کێشەیێن هەلاویستی یێن دی دناڤبەرا هەرێما کوردستانێ و حکومەتا فیدرال.

 

زێدەتر دەربارەی