گاڤ

سەرۆک نێچیرڤان بارزانی ل گەل فەرماندارێ هەڤپەیمانییا نێڤدەولەتی ل ئیراق و سووریێ کۆمبوو و بەحس ل بەرهنگاربوونا تیرۆرێ و مەترسیا داعشێ کر.

مالپەرێ سەرۆکاتییا هەرێمێ بەلاڤکر: سەرۆک نێچیرڤان بارزانی ئەڤرۆ ل گەل جه‌نه‌راڵ كيڤن ليهى، فەرماندارێ هەڤپەیمانییا نێڤدەولەتی ل ئیراق و سووریێ کۆمبوو و د کۆمبوونێ دا رەوشا ئەمنی یا ئیراق و سووریێ، لڤین و گەفێن رێکخستنا تیرۆرستی یا داعشێ لسەر ئارامی و سەقامگرییا دەڤەرێ بەحس کرن.

دا زانین ژی: هەر دو ئالییان دوپاتی ل گرنگییا هاریکاریا هەڤپشکا ئیراق و هەرێما کوردستانێ ل گەل هەڤپەیمانیا نێڤدەولەتی بۆ بەرهنگاربوونا تیرۆر و مەترسیێن داعشێ کر.

د تەوەرەکێ دی یێ کۆمبوونێ دا، بەحس ل داوی گاڤێن پرۆسەیا چاکسازییێ ل وەزارەتا کاروبارێن پێشمەرگە و ئێکخستنا هێزێن پێشمەرگەی کر و هزر و بیر لهەڤگۆهارتن و د وی واری دا دەستبکاربوونا هەر دو فرقەیێن سێ و چارێن پێشمەرگەیی لبن سیبەرا وەزارەتا کاروبارێن پێشمەرگە ب گاڤەکا گرنگ ل قەلەم دا داکوکی لسەرخستناپرۆسێ کر.

رودانێن رەوشا رۆژهەلاتا ناڤین و گۆهەرینێن سووریێ و کارتێکرنا وان لسەر دەڤەرێ ئالییەکێ دی یێ کۆمبوونێ بوون.