گاڤ

ئیراقێ داخۆیانیێن سه‌رۆكوه‌زیرێ ئسرائێلێ ل دۆر چێكرنا ده‌وله‌تا فلستینێ ل سعودیێ ب دژوارى شه‌رمزاركرن و پشته‌ڤانیا خۆ ب سعودیێ نیشان دا.

ئه‌ڤرۆ وه‌زاره‌تا ده‌رڤه‌یا ئیراقێ د راگه‌هاندنه‌كێ دا، داخۆیانیێن به‌رى دو رۆژان یێن سه‌رۆكوه‌زیرێ ئسرائیلێ بنیامێن نه‌ته‌نیاهۆى كو گوتبوو، سعودى یا مه‌زنه‌ و بلا ده‌وله‌تا فلستینێ لسه‌ر ئاخا خۆ چێكه‌ت؛ شه‌رمزاركرن و ب بنپێكرنا سه‌روه‌ریا سعودیێ بناڤكرن.

وه‌زاره‌تا ده‌رڤه‌یا ئیراقێ هه‌روه‌سا وان گۆتنێن نه‌ته‌نیاهۆى ب ده‌ستدرێژى بۆ سه‌ر مافێ گه‌لێ فلستینێ بناڤ دكه‌ت و دیاركر ئه‌و داخۆیانى، دژى بنه‌مایێن یاسایا نێڤده‌وله‌تى و په‌یماننامه‌یا نه‌ته‌وه‌یێن ئێكگرتى یه‌.

هه‌روه‌سا د راگه‌هاندنا خۆ دا وه‌زاره‌تا ده‌رڤه‌، هه‌ڤسۆزیا تمام یا ئیراقێ بۆ عه‌ره‌بساتا سعودیێ نیشان د ده‌ت.