گاڤ

ئه‌ڤرۆ دادگه‌ها ئامه‌دێ یا سزایێن گران بڕیارا سزدانا شاره‌دارێ باژێرێ وانێ ،عه‌بدولا زێدانى ب 3 سال و 9 هه‌یڤێن زیندانكرنێ دا، عه‌بدولا زێدانى ژى سزا ب سیاسى بناڤكر و ره‌تكر.

ئه‌ڤرۆ دادگه‌ها 5 یا سزایێن گران یا ئامه‌دێ ب تۆمه‌تا هاریكاریكرنا پارتا كاكه‌رێن كوردستانێ په‌كه‌كێ، هه‌ڤسه‌رۆكێ شاره‌داریا مه‌زن یا باژێرێ وانێ عه‌بدوللا زێدان، ب 3 سال و 9 هه‌یڤێن زیندانكرنێ سزا دا.

د هه‌لبژارتنێن شاره‌داریێن تركیا  یێن ئادارا بۆرى دا، هه‌لبژارتنا  زێدانى هاته‌ ره‌تكرن لێ ل ژێر گڤاشتنێن مه‌زن یێن ناڤخۆیی و نێڤده‌وله‌تى هاته‌ زڤڕاندن.

پارێزه‌رێن زێدانى بڕیارا ئه‌ڤرۆ یا دادگه‌ها ئامه‌دێ ره‌تكر و ب نه‌ یاسایی بناڤكر، ژ ئالیێ خۆڤه‌ عه‌بدولا زێدانى، بڕیار ب سیاسى بناڤكر و گۆت، دادگه‌هێن تركیا ب فه‌رمانێن سیاسى یێن ده‌ستهه‌لاتێ بڕیارێ د ده‌ن.